Si shkak i pandemisë globale Covid-19, shumë shërbime janë ndalur, jemi të izoluar dhe duhet mbajtur distancë sociale e të dalim sa më pak që është e mundshme gjatë orareve të caktuara.
Si rezultat i kësaj, një nga shumë gjërat që kanë mbetur të papërdorura janë edhe veturat tona që po qëndrojnë të parkuara për shumë ditë me radhë. Derisa vetura jonë të qëndrojë e parkuar, janë disa gjëra që mund t’i bëjmë në mënyrë që vetura jonë të jetë e gatshme për qarkullim e të mos dëmtohet nga qëndrimi i gjatë në një vend.
Presioni i gomave
Kur gomat nuk lëvizin, me kalimin e kohës ato mund të humbin presionin e ajrit dhe kur pesha e rëndë e makinës bie mbi gomën e shfryrë, ajo mund të dëmtohet si shkak i qëndrimit të gjatë ashtu. Edhe nëse presioni i gomave është në rregull, preferohet që të paktën ta lëvizni paksa automjetin tuaj që të mos pushojë për kohë të gjatë në të njëjtën anë të gomave, sepse mund të rezultojë me krijimin e sipërfaqes së rrafshët në gomë pikërisht në atë anë të gomës në të cilën makina ka qëndruar për kohë të gjatë. Andaj mirëmbajtja është me rëndësi pasi që gomat duhet të mbeten të fryra si duhet apo nëse është e nevojshme t’i fryni ato që të mos dëmtohen. Nëse paraqitet nevoja për t’i fryrë ato, mos harroni ta fryni edhe gomën rezervë pasi mund të jetë shumë e nevojshme në situata të papritura emergjente.