Nëse nuk jeni duke e përdorur veturën tuaj fare dhe nuk do ta përdorni atë gjatë kohës së pandemisë, atëherë është më mirë që ta shkëputni baterinë e veturës sepse duke qëndruar e lidhur dhe duke mos u përdorur ajo mund të harxhohet.
Ndërkohë kur të dëshironi ta ndizni automjetin tuaj, bateria juaj do ta ketë humbur të gjithë energjinë apo të jetë prishur plotësisht dhe vetura juaj nuk do të ndizet. Nëse nuk dini ta bëni këtë, atëherë është mirë që një herë në 7 apo më së largu 10 ditë ta ndizni veturën dhe ta leni të punojë rreth 15 minuta.
Përderisa keni dalur ta ndizni veturën, mos harroni që sadopak ta lëvizni veturën tuaj nga vendi që ka qëndruar gjatë kohë, të paktën duke e vozitur disa metra. Në këtë mënyrë do ta shmangni peshën e gjithë veturës vetëm në njërën anë të gomave, që duke qëndruar për kohë të gjatë mund t’i deformojë gomat, apo mund bëjë që ta humbin presionin e ajrit e të shfryhen.