Mbusheni veturën tuaj me karburant! Edhe nëse nuk e përdorni veturën tuaj gjatë pandemisë Covid-19, më e mira është që ta mbushni plot rezervuarin e veturës me karburant.
Nëse makina juaj qëndron gjatë kohë në diell me rezervuar thuajse të boshatisur, atëherë rezervuari juaj mund të krijojë kondensim. Arsyeja tjetër pse duhet mbushur makinën tuaj me karburant është se çmimet e karburantit në këtë kohë janë më të lira, ndërsa në rast të ashpërsimit të masave kundër Covid-19, ju nuk mund ta dini për sa kohë nuk do të jeni në gjendje ta vizitoni një pompë benzine.
Mos e përdorni frenin e dorës
Sigurisht, kur makina qëndron e pakuar, për shkaqe sigurie është më mirë që ta aktivizoni frenin e dorës, në mënyrë që të mos dëmtohet në rast të ndonjë goditjeje nga ndonjë makinë tjetër. Por kjo vlen në rastet kur ju e përdorni në mënyrë të rregullt automjetin tuaj. Ndërsa në rastet kur vetura juaj do të qëndrojë e pakuar për kohë më të gjatë si shkak i masave të izolimit nga pandemia Covid-19, atëherë është më mirë që mos ta aktivizoni frenin e dorës, ngase qëndrimi i gjatë në parking me frenin e dorë të aktivizuar mund ta bllokojë veturën tuaj. Ju po ashtu mund të vendosni edhe ndonjë gurë tek rrotat e veturës suaj që të mos lëvizë, apo ta leni në opsionin ‘park’ nëse keni veturë me transmision automatik.
Mbulojeni veturën
Derisa automjeti juaj të qëndrojë i parkuar për kohë më të gjatë, ai do të bëhet me pluhur, glaca të zogjve apo gjethe të drunjve. Po ashtu qëndrimi me ditë apo javë të tëra nën dritën e fortë të diellit, mund të bëjë që edhe ngjyra e veturës suaj të dëmtohet. Nëse është e mundshme, është mirë që ta pastroni pjesën e jashtme të veturës suaj, gjithashtu edhe të brendshmen në mënyrë që kur të futeni në makinë të mos mbajë erë të keqe. Pas pastrimit do të ishte mirë që ta mbuloni atë nga papastërtitë e grumbulluara nga qëndrimi i gjatë në një vend si dhe nga dëmtimi i ngjyrës nga drita e fortë e diellit. Ndërkohë nëse keni motor me dy rrotë, atëherë qëndrimi në diell të fortë mund t’i dëmtojë pjesët e gomës që janë rreth dorëzave apo timonit të motorit.