Pandemia globale Covid-19 dhe masat e ndërmarra të izolimit dhe ndaljes së shumë shërbimeve jo esenciale për jetë në shumë vende, sigurisht ka ndikuar në humbjen e shumë vendeve të punës si dhe rrezikimin e shumë të tjerave.
Një industri e prekur nga kjo krizë, padyshim është edhe industria e automobilave që ka prekur të 27 anëtarët e Bashkimit Evropian, plus Britaninë e Madhe. Sipas Shoqatës Evropiane të Prodhuesve të Automjeteve (ACEA), vendet e punës të së paku 1.38,536 nga gjithsejt 2.6 milionë evropianëve që punojnë në këtë industri janë prekur nga mbyllja e fabrikave si shkak i krizës.
Këto të dhëna u referohen vetëm njerëzve të punësuar drejtpërdrejt nga prodhuesit e makinave, kamionëve, furgonëve dhe autobusëve, ndërsa ndikimi i gjerë përfshirë zinxhirin e furnizimit automobilistik është akoma më kritik. Ndërkohë numri aktual i njerëzve të prekur është shumë më i lartë, pasi ka vonesë në raportimin e të dhënave dhe shifrat e plota për vende të ndryshme ose impiantet e prodhimit nuk janë ende në dispozicion.