Mos e bëni këtë veprim me ndërruesin e shpejtësive!

Të gjithëve na pëlqen të vozisim vetura me ndërrues manual të shpejtësive, por të gjithë ne e bëjmë një gabim duke e mbajtur dorën vazhdimisht tek ndërruesi i shpejtësive, edhe kur nuk jemi duke i ndërruar shpejtësitë.

Sigurisht, e mbani mend që instruktori t’ju ketë thënë t’i mbani të dy duart në timon sa më shumë që të jetë e mundur. Sado që të keni bërë përvojë, ju nuk duhet ta anashkaloni këtë këshillë. Shumë prej nesh bëhemi dembelë duke e pushuar dorën mbi ndërruesin e shpejtësive. Ndërruesi i shpejtësive nuk është një vend për ta pushuar dorën dhe mbajtja e dorës në mënyrë të vazhdueshme mbi të është e dëmshme. Pushimi i dorës mbi ndërruesin e shpejtësive i shkakton atij presion të panevojshëm i cili pastaj mund të shkaktojë dëme serioze.

Të blesh dhe të mbash veturë është një prej investimeve të mëdha, andaj duhet të kemi kujdes me disa gjëra që mund të na duken të vogla e të parëndësishme, por që mund të na shkaktojnë mjaft dëme fizike në veturë dhe dëme financiare.