Gabime që njerëzit i bëjnë gjatë shitjes së veturës – pranimi i ofertës së parë

Shitja e veturës sigurisht përfshin negociata me blerësin potencial, ndërsa pranimi i ofertës së parë pa bërë kundër ofertë është një nga mënyrat se si njerëzit humbin para gjatë shitjes së veturës.

Edhe nëse oferta e blerësit është më e mirë se ajo që e keni pritur, është gjithmonë me rëndësi që të bëni një kundër ofertë dhe kjo për disa arsye. Një nga arsyet kryesore është se blerësi do të dyshojë se vetura e ka ndonjë defekt, përderisa e pranuat menjëherë ofertën e parë.

Ndërkohë nëse pranoni edhe ndërrim për veturën tuaj, atëherë mënyra më e mirë për ta vlerësuar është që t’i pyesni disa dilerë veturash se sa do të ofronin për një veturë si e juaja. Kjo do t’ju ndihmojë edhe ta kuptoni vlerën reale, ta caktoni çmimin e duhur, të negocioni si duhet dhe pse jo ta shisni për çmimin më të mirë.

Një tjetër gabim që shitësit e bëjnë është që të bini në presionin e blerësit i cili insiston se vetura juaj është e mbivlerësuar. Blerësit e tillë janë mësuar që të përfitojnë çmime të lira si shkak i presionit, por ju nuk duhet të bini pre e këtij presioni ngase do të pësoni duke marrë shumë pak para për veturën tuaj. Andaj është me rëndësi ta kuptoni se nuk duhet t’i përgjigjeni menjëherë ofertës dhe presionit të blerësit. Përkundrazi, tërhiquni duke kërkuar kohë të mendoni dhe ta konsideroni ofertën. Po ashtu, një strategji e mirë është edhe që të konsultoheni me ndonjë mik apo familjar tuajin që është njohës i makinave.