Gjatë vozitjes, ndonjëherë frenat mund të bëjnë ndonjë zhurmë të caktuar jo të zakonshme dhe kjo sigurisht i shqetëson vozitësit. Frenat që bëjnë zhurmë nuk janë gjëja më e mirë në botë, por as nuk janë ndonjë prishje shumë serioze për t’u shqetësuar sikurse prishja e rripave.
Por çka do të thotë nëse frenat tuaja bëjnë zhurmë? Varet. Ndonjë zhurmë e caktuar mund të vijë si shkak i ndonjë guri të vogël, e ndonjë zhurmë tjetër mund të jetë si shkak i ndryshkut që mund të jetë bërë në rotor, gjë që është relativisht normale për veturat e parkuara jashtë. Nëse është zhurmë sikur po gërryerje e vogël, frenat akoma po e bëjnë punën e tyre, por kanë filluar të ‘lodhen’, ndërsa nëse zhurma është më e madhe dhe shqetësuese, atëherë është mirë të ndaleni tek mekaniku më i afërt.