52.3% e veturave të reja me benzinë në 3 mujorin e parë në BE

Në tre mujorin e parë të vitit 2020, segmenti i veturave elektrike ka shënuar një rritje të konsiderueshme prej 6.8% në tregun e automjeteve nga 2.5% sa ishte në tre mujorin e parë të vitit të kaluar.

Për dallim nga veturat elektrike, kërkesat për vetura me naftë dhe benzinë pësuan rënie, megjithëse veturat me benzinë akoma përbëjnë më shumë se gjysmën e tregut të Bashkimit Evropian.

Gjatë çerekut të parë të 2020, numri i automjeteve me naftë të regjistruara në Unionin Evropian ka rënë në 32.5% (738,392). Të gjitha tregjet e mëdha në Evropë pësuan rënie duke filluar nga Italia (-49.8%), Franca (-36.6%), Spanja (-33.8%) dhe Gjermania (-23.2%).

Me shumicën e tregjeve të mbyllura që nga muaji Mars për shkak të masave kundër përhapjes së pandemisë Covid-19, edhe kërkesa për automjete me benzinë ka shënuar rënie. Shitjet e veturave me benzinë ranë nga rreth 2 milionë sa ishin në çerekun e parë të vitit 2019, në 1.3 milionë në çerekun e parë të vitit 2020.

Nga Janari deri në Mars 2020, ato që përfituan nga kjo situatë ishin veturat elektrike, shitja e të cilave u dyfishua (+100.7%) në tre muajt e parë të vitit duke shënuar 167,132 automjete të regjistruara në Unionin Evropian. Ndërkohë veturat BEV (Battery Electric) si dhe veturat hibride HEV (Hybrid Electric Vehicles) shënuan rritje prej 68.4%, respektivisht 161.7%.