Si duhet pozicionuar pasqyret për ta parë më mirë 'këndin e vdekur'?

Këndi i vdekur është një pjesë e rrugës të cilën nuk mund ta shihni në pasqyrë, apo një makinë që nuk mund ta shihni se po lëvizë në korsinë ngjitur jush.

Nëse pasqyret e veturës suaj nuk janë të përshtatura mirë, atëherë nuk do të jeni në gjendje ta shihni këndin e vdekur. Për t’i pozicionuar mirë pasqyret anësore, pozicionojini ato që mos ta shihni veturën tuaj në to dhe kjo do t’ju ndihmojë që t’i shikoni më mirë këndet që konsiderohen të ‘vdekura’.

Një mënyrë tjetër e mirë është që të vozisni në marshin e mbrapmë pranë një veture të parkuar. Në momentin që vetura e parkuar largohet nga pamja e pasqyreve tuaja anësore, atëherë ju do të duhej ta shikoni atë veturë me vizionin tuaj anësor.

Ndërsa për ta rregulluar pasqyren e pasme, ajo duhet të pozicionohet në mënyrë që ta shihni plotësisht dritaren e pasme të makinës suaj. Të gjitha pasqyret duhet të rregullohen në bazë të pozicionit tuaj normal të vozitjes.