Mos u mashtroni nga iluzioni i shiritit të ngadalshëm!

Për shumë ngasës, vozitja në shiritin e ngadalshëm mund të krijojë ndjenjën dhe iluzionin se jeni duke vozitur shumë ngadalë.

Kur ju vozisni në shiritin e ngadalshëm në një rrugë të drejtë, juve mund t’ju duket se jeni duke vozitur dy herë më ngadalë se sa shpejtësia normale e përcaktuar sipas shenjave rrugore. Kjo ndodhë për shkak të lëvizjes më të shpejtë të veturave që vozisin në shiritin e majtë që është më i shpejtë dhe juve ju krijohet ndjenja se në shiritin e djathtë (më të ngadalshëm) jeni duke lëvizur tepër ngadalë. Por kjo është vetëm një iluzion që është normal t’ju duket ashtu, andaj mos u mashtroni nga kjo ndjenjë.

Në të kundërtën nëse nuk e përcillni shpejtësinë e veturës suaj por bazoheni në ndjenjën se jeni duke vozitur shumë ngadalë, atëherë mund të hyni në ndonjë kthesë me shpejtësi më të madhe se sa shpejtësia e lejuar dhe vetura juaj mund të rrëshqasë apo dalë tërësisht nga rruga.

Andaj thjeshtë përcilleni shpejtësinë e veturës suaj në tabelën e sinjalizimeve që ndodhet përpara jush dhe vozisni sipas shpejtësisë së përcaktuar përmes shenjave rrugore.