Për të pasur vozitje të sigurt, është tejet me rëndësi që ta ndjeni veturën dhe ta dini se ku po shkelni me rrotat e veturës suaj. Disa njerëz e kanë këtë dhunti dhe talent në mënyrë të natyrshme sepse i ndjejnë dhe dinë ku t’i pozicionojnë gomat edhe në situata të vështira.
Ndërsa për ne të tjerët që nuk e kemi këtë dhunti, ka një metodë që na mundëson dhe lehtëson ta ndjejmë dhe ta dimë se ku realisht po shkelim me rrotat e veturës sonë.
E tëra që duhet të bëni është që ta merrni një shishe plastike, thejeni në mes, vendoseni në tokë dhe pastaj ushtroni që të shkelni mbi të me rrotat e veturës suaj. Hapeni dritaren në mënyrë që ta dëgjoni zhurmën kur të shkelni mbi shishe.
Ushtrimi në këtë mënyrë do t’ju bëjë që ta njihni më mirë veturën tuaj dhe ta ndjeni se ku jeni duke shkelur me rrotat tuaja. Kjo do t’ju ndihmojë në situata të ndryshme, si në evitimin e gropave apo pellgjeve me ujë, ashtu edhe në parkim apo vozitjen dhe kthimin në hapësira të ngushta.