Vendoseni rripin në mënyrën e duhur!

Jo pak prej vozitësve sot hezitojnë ta vendosin rripin e sigurisë, por vetëm e vendosin rripin prapa shpinës sa për ta ndalur zhurmën e tingullit të veturës që vazhdimisht njofton për mos vendosjen e rripit të sigurisë.

Vendosja e rripit të sigurisë është çështje shumë e rëndësishme dhe thelbësore për sigurinë tuaj dhe mos vendosja e rripit apo vendosja e gabuar mund t’ju kushtojë me dëme dhe lëndime të mëdha trupore apo edhe vdekje në rast aksidenti.

Rripi i sigurisë nuk duhet të vendoset prapa krahëve, vetëm në pjesën e barkut apo vetëm në njërin krah, por duhet të kalojnë në mënyrë diagonale mbi gjoks dhe pjesa e poshtme e rripit të jetë rreth legenit.

Nëse rripi po ju shtrëngon rreth qafës apo po ju vret, atëherë duhet ta rregulloni pozitën e ulëses suaj, por në asnjë mënyrë ta largoni plotësisht.