Udhëheqësit e kompanive të mirënjohura Ford dhe Volkswagen kanë finalizuar një marrëveshje, e cila parasheh që të dy gjigantët të bashkëpunojnë lidhur me veturat elektrike, furgonë, kamionë dhe teknologji autonome.
Fillimisht kompanitë patën arritur marrëveshje më Janar 2019 për të punuar bashkë në zhvillimin e veturave komerciale, ndërsa pastaj në Korrik 2019 planet e bashkëpunimit u zgjeruan duke përfshirë veturat ‘Pick up’ dhe veturat elektrike Ford të ndërtuara në platformën ‘MEB’ të Volkswagen Group.
Javën e kaluar Volkswagen finalizoi një investim prej 2.1 miliadrë dollarë në një kompani amerikane “Argo Al”, në të cilën më parë kishte investuar edhe Ford.
Në një komunikatë të përbashkët, Ford dhe Volkswagen thanë se aleanca e tyre do t'i ndihmojë ata të plotësojnë nevojat e shpejta dhe në rritje të klientëve të tyre përkatës në Evropë dhe rajone të tjera duke shfrytëzuar forcat plotësuese të përbashkëta në veturat elektrike, ‘Pick-up’, kamionëve dhe veturave komerciale.