Mos e mbani këmbën vazhdimisht te freni!

Gjatë vozitjes në tatëpjetë, shumë vozitës frenojnë nga pak dhe e mbajnë këmbën vazhdimisht tek pedalja e frenit, në mënyrë që të jenë të gatshëm ta ndalin automjetin në çdo moment nevoje.

Nëse keni kaluar mjaft kohë duke vozitur në zona kodrinore, sigurisht keni parë shenja paralajmëruese të cilat ju këshillojnë që mos ta mbani këmbën vazhdimisht tek freni gjatë atyre zbritjeve të gjata.

Është tejet me rëndësi ta kuptoni se një për ta frenuar objekt të rëndë në lëvizje sikurse vetura,  duhet një sasi e jashtëzakonshme e fërkimit. Ndërsa frenimi i vazhdueshëm pa ndërprerë për kohë të gjatë mund të shkaktojë nxehtësi të madhe sa edhe të vlojë lëngu i frenave dhe si rrjedhojë pastaj frenat të mos funksionojnë.

Edhe nëse jeni me fat që mos t’ju prishen tërësisht frenat, mbajtja e vazhdueshme e këmbës tek freni mund të shkaktojë dëme të tjera të komponentëve, rotorëve dhe dëme tjera anësore të cilat mund të jenë të kushtueshme.