BMW i8 tërheq shumë vëmendje

BMW është duke na prezantuar edhe një tjetër model interesant të BMW-së. Kësaj here, fjala është për modelin BMW i8 me ngjyrë Sophisto Grey dhe me thekse ngjyre të verdhë, i cili tani është duke tërhequr më shumë vëmendje.

Të kujtojmë, BMW i8 posedon motorin benzinë TwinPower-Turbo, 1.5-litër, trecilindërsh, motorin elektrik dhe baterinë litium-jon, transmeton Koha.net. Fuqia e motorit ka kapacitet prej 362 kuaj fuqi dhe shpejtësinë prej 0 deri në 100 km/h e arrin për 4.4 sekonda, ndërsa atë maksimale e ka të kufizuar deri në 250 km/h, sipas kufizimit elektronik. Sipas të dhënave nga fabrika, ky model shpenzon karburant rreth 2.1-litër në 100 km, ndërsa duhet theksuar se BMW i8 mund të lëvizë edhe vetëm me motorin elektrik, me të cilin mund të kalojë deri në 35 km.  

//autolajme.com