Qysh me vozitë në borë?

Bora mund ta befasoj komunën, por jo edhe neve si shoferë! Vozitja në rrugët e mbuluara me borë ose akull, mund të mos jetë përvoja jonë më e ëmbël. Disa vetura janë të përshtatura për borë, disa të tjera nuk janë dhe kërkojnë përgatitje dhe dije për t’i mbajtur nën kontroll. Ne kemi zgjedhur disa këshilla më poshtë që na ndihmojnë të kemi një vozitje më të sigurt.

Servisimi i rregullt – marrja e masave preventive është çelësi. Sigurohuni që akumulatori(bateria), sistemi i ngrohjes dhe fshesat e xhamave janë në rregull. Sigurisht që ju do të harxhoni më pak në servisim të veturës, se sa në një natë me borë kur vetura juaj ndalet papritur.

Bora mund ta befasoj komunën, por jo edhe neve si shoferë! Vozitja në rrugët e mbuluara me borë ose akull, mund të mos jetë përvoja jonë më e ëmbël.

Gomat e dimrit dhe zinxhirët – nëse e shikoni strukturën e gomave të dimrit do të vëreni se janë të ndërtuara për vozitje në borë. Ato gjithashtu janë të ndërtuara nga një material i cili nuk ngrihet në temperatura të ulëta. Ju duhet të vendosni gomat e dimrit për 4 rrotat e veturës, mirëpo nëse buxheti juaj është i ulët, ju mund të merrni vetëm dy gomat e para të veturës (nëse vetura juaj ‘shtyn’ me rrotat e para), edhe pse kjo nuk rekomandohet.

Nëse duhet të përdorni zinxhirët, shikoni manualin e përdorimit. Disa vetura nuk lejojnë vendosjen e zinxhirëve sepse mund të dëmtohen.

Praktiko vozitjen në borë – nëse je një shofer i ri dhe përballësh për herë të parë me borën, atëherë është mirë që të provoni vozitjen në një hapësirë të gjerë ku mund të frenoni lirshëm dhe të shihni si reagon vetura në borë, para se të dilni në rrugë.

Mbaje distancën – mbajeni shikimin në veturën para jush dhe vëreje nëse i janë ndezur dritat e frenimit. Dyfisho distancën e zakonshme në mes teje dhe veturës që keni para jush, kjo ju mundëson që të mund ta ndalni si duhet veturën në rast të frenimit.

Ngadalëso shpejtësinë – pa marr parasysh nëse jeni një shofer me përvojë apo je i pëgaditur si duhet, mënyra se si vetura lëvizë në borë është e paparashikueshme. Bëj kujdes të shtuar në tejkalim dhe në ndalje.

Mos e rrisni shpejtësinë në kthesa – drejtoni veturën lehtazi, në kthesa të mëdha kthimi i veturës mund të mos vërehet menjëherë, mos vazhdoni ta ktheni edhe më tutje, por prisni derisa të vërehet se vetura ka marr drejtimin e duhur dhe mbani lehtësisht frenat.

Pjerrtësia – gjëja e parë që duhet të mbani në mend është të mos përdorni frenat në terren të pjerrët. Frenimi mund të shkaktoj rrëshqitje dhe dalje nga kontrolli të veturës, ndërsa nëse vozisni në shpejtësi të ulët, rrotat do të vazhdojnë të rrotullohen, mirëpo pa shkaktuar rrëshqitje.

Avulli në xhama – kjo mund të largohet duke e vendosur kondicionerin e ajrit në riciklim dhe duke e hapur njërën nga dritaret e përparme, kjo do ta largoj më shpejtë avullin nga xhamat.

Mos harroni të mbani kabllot në rast se akumulatori(bateria) juaj zbrazet, gjithashtu mani një ‘gërryse’ plastike për pastrim të xhamave.

Ju dëshirojmë vozitje të sigurt!