Opel po e kthen emrin Manta, do ta përdorë për një makinë elektrike

Opel synon të ringjallë emrin Manta dhe ta përdorë atë për një makinë elektrike që arrin në mes të kësaj dekade. 

Modeli elektrik Manta do të jetë pjesë e shndërrimit të Opel në një markë që prodhon ekskluzivisht makina elektrike. Bosi i Opel Michael Lohscheller ka konfirmuar ringjalljen e Manta, një model që përfaqësonte një Coupe me rrota të pasme, gjatë një ngjarje që njoftonte investime të mëdha në elektrifikim.

Opel do të bëhet një prodhues i plotë i makinave elektrike në Evropë deri në vitin 2028 dhe Manta pritet nga mesi i kësaj dekade.

Versioni i rivendosur dhe i elektrizuar i prezantuar së fundmi i modelit origjinal Manta A shërbeu për të demonstruar teknologjinë elektrike, por modeli i ri do të ndryshojë rrënjësisht.

Gjatë ngjarjes së përmendur, u shfaq vetëm prototip, i cili megjithatë sugjeron që Manta të vijë në formën e një Coupe SUV.

Nuk ka ende detaje, përveç se modeli do të bazohet në një nga katër platformat e Stellantis për makinat elektrike. Këto do të jenë platforma STLA Medium ose STLA Large, të cilat janë të dizajnuara për makina premium dhe me performancë të lartë me të gjitha rrotat.

Platforma STLA Medium është e pajtueshme me bateri deri në 104kWh, që do të thotë se mund të pritet një diapazon deri në 700 km. Makinat e bazuara në platformën SLTA do të kenë një bateri prej 118kWh dhe një diapazon deri në 800 km.

Gjenerata e parë Manta A u shfaq në 1970 dhe u bë rival i modelit Capri të Ford dhe u bazua në sedan Ascona.