Vetëm disa ditë pasi hakerët kanë demonstruar se ata mund të kenë qasje në sistemin elektronik të Jeep Cherokee dhe të kontrollojne motorin derisa vetura është e ndezur dhe në levizje, apo edhe ta përplasin atë, Fiat Chrysler ka tërhequr 1.4 milion automjete për të bërë një përditësim të softuerit i cili do ti eviton sulmet e mundëshme.
Tërheqja e këtyre veturave është paralajmëruar nga Fiat Chrysler këtë të premte dhe përfshinë markat Dodge, Jeep, Ram dhe Chrysler si dhe automjete të tjera të prodhuara në periudhen 2013 - 2015. Lëshimi është vërejtur në automjetet të cilat janë të pajisura me radio sistem që është i ndjeshëm në prekje (touchscreen radio system), i cili ju mundëson hakerëve që ti qasen veturës nga distanca.
Pronarët e këtyre automjeteve do të pajisjen nga kompania me nga një USB e cila shërben për përditësimin e softuerit, ndërsa kompania ka thënë se vecse ka lëshuar një përditësim që është marrur nga sistemi përmes wireless.
Lexo më shumë: Hakerët marrin kontrollin e një veture në rrugë dhe e përplasin atë