Një lëshim i sigurisë në sofuerin e veturës Tesla Model S lejon që ekspertët e sigurisë të marrin komplet kontrollin mbi sistemin elektronik të makinës, madje edhe ta ndalin komplet atë.
Një hulumtues sigurie nga Cloudflare dhe një teknik nga Lookout, kanë mundur të marrin komplet kontrollin mbi sistemin elektronik të kësaj veture edhe atë nga distanca.
Duke pëdorur një kabllo të fshehur të instaluar në veturat Tesla, këta ekspertë kanë qene në gjendje që të gjejnë virmat në softuer. Ata e mashtruan softuerin e Tesla duke e bërë "të mendoj" se laptopi i tyre ishte vetë vetura dhe në këtë mënyrë morrën nën kontrollë komplet sistemin e makinës.
Ekspertët gjithashtu ishin në gjendje të kontrollonin matësin e shpejtësisë së veturës dhe të shfaqin shpejtësinë jo të saktë në ekran, të hapin dhe të mbyllin dritaret, dhe të hapin dhe të mbyllin dyert e veturës që kushton 100 000 $.
Ekspertët do të tregojnë për gjetjet e tyre në këtë të premte në konferencen Def Con që mbahet në Las Vegas.